Covid19aren aurkako
borrokan egiten ari diren lana eskertzeko, Realeko ordezkaritza bat Donostia
ospitalean izan da, orain astebete Sevillan irabazitako kopa eskaintzen.
Ezustean agertu dira Jokin Aperribai presidentea, Imanol Alguacil
entrenatzailea, eta Asier Illarramendi eta Mikel Oiartzabal kapitainak.
Gainera, beste jokalari batzuk bertan egoteko aukera ere izan dute, hala nola,
Mikel Merino, Aritz Elustondo eta Joseba Zaldua.
Felix Zubia ZIU
zerbitzuko buruak eta Leire Rubio erizainak jaso dute Kopa omenaldi
hunkigarrian. Donostia ospitaleko gerentea den Itziar Perezek esker hitzak izan
ditu Realarekiko, gainera Realeko zaleak zoriondu ditu ospakizunetan izandako
jarreragatik. Bestetik, Mikel Oiartzabal eta Imanol Alguacil bereziki zoriondu
ditu, partida bukatu eta minutu gutxira osasun langileez gogoratzeagatik.
Guztiek bat egin dute egoera hau bukatzean denok batera Anoetan ospatzeko
desioarekin.
No hay comentarios:
Publicar un comentario